Giawhag sa lokal nga panggamhanan sa Cagayan de Oro City ang katawhan, dili lang mga Kagay-anon apan gikan sa mga silingang syudad ug probinsya nga mosaksi ug mahimong kabahin sa umaabot nga Higalaay Festival 2026.
Sumala pa ni Shiela Lumbatan, Chief of Staff ni Mayor Klarex Uy nga abli ang syudad alang sa tanang buot mobisita, sukwahi sa mga mikaylap sa fake news sa social media nga dili welcome ang usa ka partikular nga grupo o political supporter.
Pagpasabot ni Lumbatan nga dili motuo sa susamang mga fake news labi pa nga gipaningkamutan sa syudad nga mas ma-improve pa ang ipahigayon nga mga aktibidad atol sa Higalaay Festival aron nga makaagni og daghang bisita ug posibleng mga investors.
Karong umaabot nga Agosto 6, pormal nga paga-ablihan ang Higalaay Festival sa Rio de Oro kung asa dakong tabang sab kini sa syudad sa pagpalambo sa turismo nga gilaumang dakong tampo sa ekonomiya sa syudad.
