Dakong hagit alang sa mga taxi operators, transport operators ug PUJ operators ang umaabot nga pagsugod sa pag-operate sa Green GSM Taxi Electric Vehicle gumikan kay dako kinig epekto alang sa ilang pagpamasada.
Sa miaging adlaw miabot na sa El Salvador City ang green taxi hinungdan sa ilang kaguol ug kabalaka. Tungod niini personal nga ipaabot karong adalawng Biyernes ni CAFITADA Federation President Bernie Jamaca ang reklamo ngadto sa Office of the Senate President ug LTFRB Central Office sa tumong nga ma pugngan ang operation sa green taxi.
Nagplano usab ang operator sa pag file ug Temporary Restraining Order batok sa green taxi. Nagtuo usab si Jamaca nga kung masugdan ang pag operate sa langyaw nga operator sa green taxi, possible matud pa nga adunay laing PUJ nga mag operate sa Misammis Oriental nga langyaw gihapon ang magdumala.
Usa sa rason sa Local operators sa pagpasang-at ug reklamo, aron matud pa dili na modaghan ang mga sakyanan sa Cagayan de Oro hilabi na nga wala pa masulbad ang problema mahitungod sa kabug-at sa dagan sa trapiko gikan sa buntag padulong sa gabii.
