Gipahibalo sa Department of Education (DepEd) nga malampuson nilang napakunhod ngadto sa 57 porsyento ang paperwork sa mga magtutudlo sa tibuok nasud.
Matud ni Education Secretary Sonny Angara, dako na ang nawala sa mga buluhaton sa mga magtutudlo sama sa pagproseso og mga dokumento, office works, ug uban pang administrative works.
Tungod niini, mas daghan na ang oras sa mga magtutudlo sa pagtudlo alang sa de kalidad nga pagkat-on sa mga tinun-an. Padayon usab ang DepEd sa pagkuha og mga non-teaching personnel, lakip ang kapin 5,000 Administrative Officers ug Project Development Officers, aron sila na ang moasikaso sa mga administrative tasks nga dugay nang gireklamo sa mga magtutudlo.
Sumala ni Angara, tumong sa DepEd nga mapanalipdan ang teaching time sa mga magtutudlo ug mas mapauswag pa ang ilang kahimtang isip kabahin sa padayon nga reporma sa departamento.
Photo Courtesy:ED Class
