Nalangan ang gipaabot nga finals sa Mubadala D.C. Open tali ni Filipina tennis star Alex Eala ug World No. 3 Jessica Pegula sa Washington, D.C. tungod sa kusog nga ulan.
Nakatakda unta nga magsugod ang dula alas-12 sa tungang gabii sa oras sa Pilipinas, apan halos tulo ka oras kini nalangan tungod sa dili maayong kahimtang sa panahon.
Sa dihang nakapadayon ang dula, nakuha ni Pegula ang unang set nga score 6-4, ug sa ikadugang set nga 2-1. Apan bandang alas-4 sa kaadlawon, gipahunong na usab ang dula tungod sa padayon nga ulan ug pagpangilat.
Sumala sa tournament organizers, gipadayon ang finals alas-5:30 sa kaadlawon sa oras sa Pilipinas depende sa kahimtang sa panahon. Tinguha ni Eala nga makuha ang iyang unang WTA 500 title human sa impresibong kampanya diin napildi niya ang daghang world-class players, lakip na ang kanhing World No. 1 nga si Naomi Osaka.
Photo Courtesy: Philippine News Agency
