Viral sa social media ang makapadasig nga istorya sa usa ka abogado sa Sorsogon nga gidawat ang mga alimango isip bayad sa iyang kliyente.
Sumala sa report, human sa ilang hearing sa korte, miangkon ang kliyente nga wala na siyay igong kuwarta aron makabayad sa serbisyo sa abogado hinungdan imbes salapi, mga alimango lang iyang gitanyag isip bayad
Wala magduhaduha ang abogado sa pagdawat niini ug nagpasalamat pa siya sa sinserong pagpasalamat sa iyang kliyente. Tungod niini, mikaylap ang maong istorya sa social media ug daghang netizens ang midayeg sa abogado tungod sa iyang pagkamasinabuton, pagkamapainubsanon, ug sa paghatag og bili sa kahimtang sa iyang kliyente.
Bisan wala man kini suklii sa dako nga kantidad sa salapi, gipakita sa maong hitabo nga adunay mga propesyonal nga andam motabang ug magserbisyo uban ang kasingkasing, labi na sa mga nanginahanglan og hustisya.
Photo Courtesy: ARVIN POLO TV
