Gikasubo sa Department of Education ang pagkamatay sa usa ka 13-anyos nga estudyante nga gidunggab og balisong sa iyang 14-anyos nga classmate sulod sa Las Piñas National High School.
Giingong nagsugod ang insidente tungod sa wala mauli nga ₱10 nga sukli gikan sa pagpalit og bottled water sa school canteen. Gisaad sa DepEd ang suporta sa pamilya sa biktima, counseling alang sa mga naapektuhang estudyante ug personnel, ug pagsusi sa security protocols sa eskwelahan.
Nanawagan og hustisya ang pamilya ug gikwestyon ang pagkawala sa nurse nga naka-duty atol sa insidente. Ang 14-anyos nga suspek anaa karon sa kustodiya sa Bahay Pag-Asa ug gipailalom sa evaluation.
Photo Courtesy: Philippine News Agency
