Nagpagawas og service advisory ang Metro Kidapawan Water District nga magpatuman kini og nakaiskedyul nga desilting operation sa Lapaan Dams 2 ug 3 karong Agosto 5, gikan alas 8:00 sa buntag hangtod alas 5:00 sa hapon.
Tumong sa operasyon ang pagtangtang sa natigom nga banlas ug mga sagbot sa suba aron mapadayon ang episyenteng operasyon sa water intake ug masiguro ang padayon nga suplay sa luwas ug limpyo nga tubig sa mga konsumidor.
Tungod niini, posibleng makasinati og ubos nga water pressure o temporaryong pagkawala sa suplay sa tubig ang pipila ka mga barangay sa Kidapawan City, lakip ang Lanao, Magsaysay, Balindog, New Bohol, Paco, Binoligan, Amazion, Onica, Malinan, Amas, East Patadon, Indangan, Manongol, Sudapin, Nuangan, Poblacion ug Singao.
Maapektuhan usab ang mga barangay sa Makilala ilabi na sa Saguing, Libertad, Jose Rizal, Katipunan II, Poblacion ug Concepcion.
Giawhag ang mga konsumidor nga magtipig og igo nga tubig alang sa ilang adlaw-adlaw nga panginahanglan sa dili pa magsugod ang operasyon. Gilauman nga mobalik dayon sa normal ang suplay sa tubig human mahuman ang desilting operation.
Photo Courtesy: Metro Kidapawan Water District
