Nakigpulong si Mayor Lorelie G. Pacquiao sa mga opisyal sa Department of Education (DepEd) General Santos City nga gipangulohan ni Schools Division Superintendent Isagani Dela Cruz aron hisgutan ang mga pagpangandam alang sa umaabot nga pagbukas sa klase sa dakbayan.
Atol sa tigom, gihisgutan ang mga lakang ug koordinasyon nga kinahanglan ipatuman aron maseguro ang luwas, hapsay, ug organisadong pagbalik-eskwela sa mga estudyante sa General Santos City.
Kabahin usab sa miting ang pagpalig-on sa koordinasyon tali sa lokal nga kagamhanan ug sa mga nagkalain-laing ahensya aron mapanalipdan ang kaayohan ug kaluwasan sa mga estudyante, magtutudlo, ug tibuok komunidad sa mga eskwelahan sa pagsugod sa bag-ong tuig sa pagtungha.
Mitambong usab sa maong tigom si CDRRMO Head Dr. Bong Dacera, City Director PCOL. Ariel Acala, ug uban pang mga opisyal isip kabahin sa hiniusang pagpangandam alang sa malinawon ug luwas nga pagbukas sa klase.
Photo Courtesy: LGU-GENSAN
