Dili moubos sa 18 ka Palestinians ang namatay sa sunod-sunod nga airstrike sa Israel sa Gaza niadtong Domingo, Agosto 2. Giatake ang Gaza City, Deir al-Balah ug Khan Younis. Lakip sa mga namatay ang mga bata ug pipila ka magtiayon.
Matud sa Israeli military, mga commander ug miyembro sa Hamas ang target sa pipila ka pag-atake. Miingon si Israeli Energy Minister Eli Cohen nga wala pay klarong kasabutan aron hunongon ang mga pag-atake. Segun kaniya, kinahanglan una nga mosurender sa ilang mga armas ang Hamas.
Apan giingon sa Hamas nga kinahanglan una nga hunongon sa Israel ang mga pag-atake ug ipahawa ang mga sundalo niini sa Gaza. Sukad sa ceasefire niadtong Oktubre, labing menos 1,230 ka Palestinians ang namatay sa mga pag-atake sa Israel, sumala sa health authorities sa Gaza.
Photo Courtesy: Reuters
