Nakarekord ang Philippine National Police (PNP) og 36.12 porsyentong pagkunhod sa mga focus crime incidents sa tibuok nasud atol bulan sa Hulyo 2026.
Gipakita sa datos sa PNP nga mikunhod ang insidente sa mga krimen nga giila nilang prayoridad kumpara sa miaging panahon. Matud sa kapulisan nga ang pagkunhod sa crime incidents resulta sa padayong operasyon ug mga lakang sa pagpalig-on sa seguridad sa nagkadaiyang lugar sa nasud.
Gipadayon usab sa mga kapulisan ang ilang intelligence-driven operations ug community-based approaches aron mapugngan ang mga kriminal nga kalihokan.
Gilauman nga magpadayon ang PNP sa pagpatuman sa mga programa ug operasyon aron mapadayon ang pagkunhod sa krimen ug mapalig-on ang kalinaw ug kahapsay sa komunidad.
Photo Courtesy:Chron
