Midepensa si It’s Showtime host Cianne Dominguez kang Kim Chiu human nausab kini nga nalambigit sa espekulasyon nga buntis. Nagsugod ang maong isyu human mikatag ang usa ka video ni Kim sa airport diin adunay mga netizen nga nangagpas nga nagmabdos siya base lamang sa hitsura sa iyang tiyan.
Gitubag ni Cianne ang usa ka netizen nga nag-angkon nga nurse ug misulti nga kung sayop siya sa iyang pagtagna, isoli niya ang iyang lisensya. Matud ni Cianne, “Isauli mo na po, ako na nagsasabi.”
Misamot pa ang diskusyon sa social media, diin adunay mga netizen nga misaway kang Cianne, samtang ang uban mipabor kang Kim ug nag-ingon nga natural lamang nga medyo prominente ang iyang puson bisan dili buntis.
Sa pagkakaron, wala pa mopagawas og opisyal nga pahayag si Kim Chiu kabahin sa maong espekulasyon.
Photo Courtesy: IMDb
