Nakahimo ang usa ka mekaniko sa Italy og giingong pinakahuot nga sakyanan sa kalibutan pinaagi sa pag-usab sa usa ka 1993 Fiat Panda. Giputol ni Andrea Marazzi ang tunga nga bahin sa sakyanan ug gihiusa ang duha ka kilid, hinungdan nga nahimong 50 sentimetro lamang ang gilapdon niini.
Bisan huot kaayo ang porma, adunay gihapon kini upat ka ligid, manibela, usa ka lingkoranan, ug usa ka headlight. Gipulihan usab ang orihinal nga makina og electric scooter motor nga makapadagan niini og hangtod 15 kilometro kada oras.
Bisan dili kini paspas o praktikal alang sa adlaw-adlaw nga paggamit, giila kini nga pinakahuot nga sakyanan nga nahimo sa kalibutan.
Photo Courtesy:Enigma Elysium
