Nakadani og atensyon sa social media ang peke nga ultrasound image, nga gipahimo sa usa ka amahan aron ipakita sa iyang anak nga adunay kunoy “insekto” sa iyang tiyan tungod sa sobra nga pagkaon og mga tam-is ug junk food.
Tumong sa amahan nga mahadlok ang bata aron maminusan ang dili himsog nga mga pagkaon ug maanad sa mas maayong pagpili sa iyang ginakaon.
Sumala sa report, human makita ang maong hulagway, misaad ang bata nga maglikay na sa sobra nga junk food ug mas mopili og masustansyang pagkaon.
Bisan pa man, ang mga eksperto nagpahinumdom nga ang edukasyon, maayong panig-ingnan, ug hapsay nga pagpasabot mao gihapon ang labing maayong paagi sa pagtudlo sa mga bata bahin sa himsog nga pagkaon.
Photo Courtesy: APTV
