Moubos ang presyo sa gasolina ug uban pang fuel products hangtod sa PHP2.09 matag litro karong semanaha human sa dakong pagsaka niini sa miaging semana tungod sa mga risgo sa suplay dala sa bag-ohay nga tensyong militar tali sa United States ug Iran.
Sumala sa Department of Energy (DOE), ang presyo sa gasolina gilaumang moubos og dili momenos sa PHP0.73 matag litro, ang diesel og PHP0.60 matag litro, ug ang kerosene og PHP2.09 matag litro.
Sa usa ka pahibalo, ang Jetti Petroleum nag-ingon nga ilang ipaubos ang presyo sa diesel og PHP0.60 matag litro ug ang gasolina og PHP0.80 matag litro, epektibo alas-6 sa buntag sa Martes.
Samtang, ang Seaoil nagpahibalo nga ilang ipaubos ang presyo sa gasolina og PHP0.73 matag litro, diesel og PHP0.60 matag litro, ug kerosene og PHP2.09 matag litro.
Ang datos nga gipagawas sa DOE nagpakita nga ang lokal nga suplay sa gasolina igo alang sa 40.50 ka adlaw, diesel alang sa 47.32 ka adlaw, kerosene alang sa 132.86 ka adlaw, jet fuel alang sa 68.24 ka adlaw, fuel oil alang sa 46.68 ka adlaw, ug liquefied petroleum gas (LPG) alang sa 36.60 ka adlaw.
Kining mga numero nagpakita nga ang lokal nga ug lig-on ang kahimtang,matod ni Energy Secretary Sharon Garin.
Matod ni Garin, bisan pa man og gamay ra ang pag-ubos sa presyo karong semanaha kon itandi sa pagsaka niini sa miaging semana, “importante ang matag pag-ubos sa presyo.”
Photo Courtesy:Philippine News Agency
