Gipahinumdoman sa Department of Labor and Employment (DOLE) nga ang mga delivery rider, TNVS drivers ug uban pang platform workers nga rehistrado sa Social Security System (SSS) mahimong makadawat og benepisyo ubos sa Employees’ Compensation (EC) Program kon maaksidente, magkasakit, mabaldado o mamatay tungod sa ilang trabaho.
Sumala sa DOLE, ang programa naglangkob sa mga self-employed nga miyembro sa SSS ug naghatag og lainlaing benepisyo sama sa cash assistance, medical ug hospital reimbursement, rehabilitation services, carer’s allowance, funeral benefit, ug death benefit.
Aron mahimong kwalipikado, kinahanglan rehistrado sa SSS ang aplikante, adunay labing menos usa ka nahulog nga kontribusyon sa dili pa nahitabo ang insidente, ug mapamatud-ang may kalabotan sa trabaho ang sakit, aksidente o kamatayon.
Dugang sa DOLE, ang aplikasyon alang sa EC claim mahimong isumite sa miyembro o sa iyang pamilya sulod sa tulo ka tuig gikan sa petsa sa insidente.
Photo Courtesy:ibctv13
