Personal nga gipaabot ni Carmen National High School, School Principal Maurita Donasco atol sa pagturn-over sa bag-ong school building niadtong Hulyo 31, 2026 ngadto kang Mayor Klarex Uy ang dugang hangyo niini nga mahatagan sa pagtagad sa LGU ang pag sulbad sa problema sa ilang mga drainage system sa tunghaan nga nakahatag matud pa ug kahasol sa mga estudyante, magtutudlo, ginikanan ug mga bisita.
Dakong epekto matud pa ang tubig baha sa kanal gumikan kay dili makalatas sa dalan ang mga estudyante ug usahay mosulod ang tubig sa mga pasilidad. Dugang pag paabot niini nga mahatagan silag bag-ong school stage aron komportable ang mga magtutudlo ug mga estudyante panahon sa mga aktibidades o programa sa umaabot.
Tubag ni Mayor Klarex Uy, nga wala pa magsugod ang ceremonial turnover iya nang nakita ang problema sa skwelahan gali iya na kining gipaabot sa City Engineering Office aron mahatagan sa solusyon ang problema ug dili na mahasol pa ang mga magtutungha.
