Gisiguro sa Provincial Government of Misamis Oriental nga mabayran ang mga obligasyon niini ngadto sa mga creditors ug contractors nga adunay mga proyekto sa probinsya sa higayon nga adunay igo nga pondo ang lokal nga panggamhanan.
Matud ni Gobernador Juliette Uy, prayoridad sa iyang administrasyon ang pagbayad sa mga angayang bayran sa lalawigan, apan gipasabot niyang dili usab pasagdan ang pagrepaso sa kalidad sa mga proyekto aron masiguro nga walay substandard nga trabaho nga mabayran sa gobyerno.
Dugang pa sa gobernador, iyang tumong nga masulbad ang mga outstanding debt sa probinsya sulod sa iyang termino ug nanghinaut nga mahuman kini sa dili pa moabot ang tuig 2028.
Ang pahayag kabahin sa paningkamot sa provincial government sa pagpalig-on sa kahimtang pinansyal sa lalawigan samtang gipadayon ang mga proyekto ug serbisyo nga makahatag og kaayohan sa katawhan sa Misamis Oriental.
Photo courtesy: Misamis Oriental Provincial Information Office
