Gihatagan ug katin-awan ni Land Transportation Franchising and Regulatory Board Region 10, Regional Director Aljo Bendijo nga ang “Mystery Riders” mga civilian matud pa nga naka sakay sa nagkalain-laing Public Utility Vehicles (PUVs) nga pweding molantaw ug susihon kung colorum ba ang gisakyang sakyanan.
Pinaagi sa paglantaw sa Body number sa sakyanan o sa pakighinabi sa driver diha matud pa masuta kung aduna bay prangkisa o adunay pagtugot sa LFTRB ang ilang pagpamasada. Kung pananglitan maka sapon ang pasahero o “Mystry Rider” pweding moreport sa opisina sa LTFRB R10 ang sakyanan aron maaksyonan kini.
Aduna matud pay ihatag nga igong gante gikan sa LTFRB ngadto na sa mystery rider agig pag pasalamat kanila. Dili matud pa angay mahadlok sa seguridad ang mag sumbong gumikan kay protektahan nila ang identidad.
Tumong sa estratihiya nga mawagtang na ang mga colorum sa kadalanan nga ang tumong ang seguridad sa katawhan ug patas nga kompetisyon sa mga public transpo.
Photo courtesy: LTFRB Region X – Cagayan de Oro City
