Naglaom ang Cagayan de Oro City Police Office (COCPO) nga mapalabang ang usa ka city ordinance aron mas mapalig-on ang kampanya batok sa pagbaligya ug pag-apod-apod sa mga smuggled cigarettes sa dakbayan.
Matud ni COCPO Director PCOL Dexter Paje, nakigkoordinar na ang kapulisan sa City Government sa Cagayan de Oro aron mapanday ang tukmang ordinansa nga maghatag og legal nga basihan sa mas hugot nga pagpatuman batok sa mga sigarilyong walay klarong dokumento ug ilegal nga gipasulod sa siyudad.
Sumala pa ni Paje, ang lakang gitumong aron mas epektibong masulbad ang problema sa smuggled cigarettes ug mapugngan ang pagkatag niini sa Cagayan de Oro pinaagi sa mas lig-on nga suporta sa lokal nga balaod.
Photo courtesy: Cagayan de Oro City Information Office
