Mitaliwan na ang batikang entertainment journalist nga si Jobert Sucaldito sa edad nga 65 anyos. Gikumpirma kini sa Facebook page nga OOTD Jobert and Chaps Channel, diin gipahibalo sa ilang pahayag nga “Jobert passed away peacefully.”
Wala pa gipadayag sa pamilya o sa maong Facebook page ang hinungdan sa iyang kamatayon. Sa pagkakaron, wala pa usab sila naghatag og dugang nga detalye kabahin sa mga kahikayan sa iyang lubong.
Si Sucaldito nailhan isip usa sa mga dugay nang entertainment journalists sa nasud ug nakahatag og daghang balita ug komentaryo sa industriya sa showbiz sulod sa daghang katuigan..
Photo Courtesy: OOTD Jobert and Chaps Channel
