Gisugdan na sa Provincial Detention and Rehabilitation Center o PDRC Bukidnon ang Sports Fest 2026 niadtong Hulyo 31, isip pagpangandam sa umaabot nga Araw ng Bilanggo o National Correctional Consciousness Week karong bulan sa Oktubre.
Sa esklusibong pakighinabi sa Juander Radyo Malaybalay ngadto ni Nelson Rocky A. Balaba nga gilauman nga daghang Persons Deprived of Liberty o PDL ang makaapil sa nagkadaiyang mga dula sama sa basketball, pickleball, chess ug table tennis. Lakip usab sa opening ang exhibition game tali sa mga empleyado sa Provincial Government of Bukidnon ug mga piniling PDL.
Dugang pa niya nga importante ang maong kalihukan isip kabahin sa rehabilitation program sa mga PDL, ilabi na aron mapadayon ang ilang maayong panglawas ug aktibong pag-apil sa mga positibong kalihokan samtang anaa sa detention facility.
Sa pikas bahin mikabat na sa 1,191 ang total nga PDL sa PDRC Bukidnon—1,124 niini mga lalaki ug 67 mga babaye. Bisan pa niini, matud sa warden, dili pa kabalak-an ang pasilidad tungod kay ang maximum capacity niini anaa sa 1,700 ka PDL.
Mitambong usab sa opening ang lima ka abogado gikan sa Public Attorney’s Office sa Malaybalay District Office ug usa ka Clerk of Court. Samtang iyang gipasalamatan ang Provincial Government of Bukidnon, ilabina si Gobernador Rogelio Neil P. Roque, tungod sa padayong suporta sa pagkaon ug rehabilitation programs alang sa mga PDL
