Giawhag sa Malaybalay City Planning and Development Office (CPDO) ang kadtong mga tag-iya og yuta nga motambong sa gikatakdang public hearing kabahin sa pag-update sa Comprehensive Land Use Plan (CLUP) ug Zoning Ordinance nga ipahigayon gikan karong Agosto hangtod Setyembre, 2026.
Gipasabot ni CPDO head Engineer Adrian Gamboa sa exclusive nga pakighinabe sa Juander Radyo Malaybalay nga katuyuan sa maong plano nga magiyahan ang tanan bahin sa saktong paggamit sa yuta—sama sa kon asa lamang pwede magtukod og mga residential, commercial, agricultural, o mga negosyo sama sa poultry ug piggery—aron malikayan ang paglapas sa mga balaod ug ordinansa sa dakbayan
Matud ni Engr. Gamboa, nga gikinahanglan ang maong hearing sa dili pa aprobahan sa Sangguniang Panlungsod aron mahatagan og higayon ang publiko ug mga property owners nga makahatag sa ilang mga rekomendasyon ug dugang nga input.
Gibahin ang maong public hearing aron maabot ang mga lagyong barangay kung asa sa Agosto 20 didto sa Zamboanguita alang sa taga-Silae, Mapulo, Indalasa, Zamboanguita, St. Peter, Busdi, Kulaman, ug Caburacanan.
Agosto 27 — Simaya magtapok alang sa taga- Linabo, Maligaya, Miglamin, Managok, Violeta, Simaya, San Martin, Sinanglanan, Sto. Niño, ug Apo Macote, Setyembre 3, — Kalasungay alang sa taga-Dalwangan, Patpat, Kalasungay, Capitan Anghel, Manalog, Kibalabag, ug Can-ayan, Setyembre 10— San Jose alang sa taga- San Jose, Laguitas, Magsaysay, Imbayao, Aglayan, Cabangahan, ug Bangcud ug Setyembre 10 diha sa Casisang sa taga- Poblacion 1–11, Casisang, ug Sumpong
Photo Courtesy: Malaybalay City LGU
