Gitutokan sa Armed Forces of the Philippines (AFP) sa pagmonitor sa usa ka Chinese warship ug unmanned surface vessel nga nakit-ang naglawig sulod sa Exclusive Economic Zone (EEZ) sa Pilipinas.
Sumala sa AFP, padayon ang koordinasyon sa ubang maritime agencies aron masubay ang lihok sa maong mga sakayan ug masiguro ang pagpanalipod sa maritime interests sa nasud. Gipasalig usab sa militar nga wala pay namatikdang direktang hulga batok sa seguridad sa publiko.
Gani, ang lakang gisundan sa pagpagawas sa video footage nga nagpakita sa presensya sa Chinese naval vessel sa maong katubigan. Busa, gipasalig sa AFP nga magpadayon ang ilang pagbantay ug pagpatuman sa mandato sa pagpanalipod sa katungod ug soberanya sa Pilipinas sa West Philippine Sea.
Photo Courtesy: BBC
