Gipangunahan sa Department of Migrant Workers (DMW) Region XII, uban sa mga miyembro sa Regional Inter-Agency Council Against Trafficking (RIACAT) XII, ang culminating activity sa 2026 World Day Against Trafficking in Persons nga gihimo niadtong Hulyo 30 sa KCC Mall of Marbel sa Koronadal City.
Tumong sa kalihokan ang paglig-on sa kampanya batok sa human trafficking ug pagpasiugda sa pagpanalipod sa mga biktima.
Nagtapok sa maong kalihokan ang nagkadaiyang ahensya sa gobyerno, lakip ang DSWD XII, DOJ XII, DILG XII ug uban pang partner institutions, aron mapalig-on ang koordinasyon sa pagbatok sa human trafficking.
Giingon sa DMW XII nga importante ang hiniusang paningkamot sa tanang sektor aron mas epektibong mapugngan ang maong krimen ug mapanalipdan ang publiko.
Photo Courtesy: DMW Rehiyon Dose
