Gipagawas na sa Commission on Elections (Comelec) ang unang listahan sa mga giaprubahang online campaign platforms alang sa mga kandidato ug usa ka political party sa BARMM Parliamentary Elections karong Septiyembre 14.
Segon sa Comelec, naaprobahan na alang sa online campign flatforms sa Facebook, Tiktok ug Instagram ang usa ka kandidato sa Regional Parliamentary Political Party, ug duha ka kandidato sa Parliamentary Sectoral Representative.
Samtang aduna usab 15 ka mga kandidato gikan sa sa Parliamentary District Representative ang naaprubahan sa paggamit sa kampanya sa ilang mga accounts sa Facebook, TikTok, ug Instagram.
Tumong sa maong patakaran nga mapalig-on ang transparency ug accountability sa online campaigning ug masiguro nga ang gigamit nga social media accounts sa mga kandidato opisyal ug narehistro sa Comelec.
Sa adlaw sa eleksyon, kapin 2.3 million ang mga rehistradong botante nga natala sa BARMM ang mopili ug tag usa ka representante sa Regional Parliamentary Political Party ug sa Parliamentary District.
Photo Courtesy: Philippine News Agency
