Mas giprayoridad sa Department of Labor and Employment (DOLE) Zamboanga del Sur ang mga 4th ug 5th class municipalities sa pagpatuman sa livelihood program sa lalawigan.
Matud ni DOLE Zamboanga del Sur Provincial Director Aileen Mondejar, apil usab sa ilang unang hatagan og pagtagad ang mga identified Geographically Isolated and Disadvantaged Areas (GIDA) , ingon man ang mga lugar nga naapektuhan sa kalamidad.
Pipila sa mga munisipalidad nga ilawom sa 4th class municipality mao ang Guipos, Sominot, Tigbao ug Vincenzo Sagun sa Zamboanga del Sur.
Sumala ni Mondejar, ang maong mga lungsod maoy unang tutokan aron mas mapalambo ang panginabuhian sa mga kwalipikadong benepisyaryo, ilabi na ang mga kabus ug mga sektor nga nanginahanglan og dugang suporta.
Malaumon si Mondejar nga pinaagi sa livelihood assistance sa DOLE, mas daghang benepisyaryo ang mahatagan og oportunidad nga makasugod o makapalambo sa ilang ginagmayng negosyo ug panginabuhian.
