Gikasal na ang sikat nga YouTube content creator nga si MrBeast, o Jimmy Donaldson sa tinuod niyang ngalan, ngadto sa iyang kapikas nga si Thea Booysen.
Gipahigayon ang ilang kasal sa Richard Branson’s Necker Island, diin gitambongan kini sa kapin 70 ka sakop sa pamilya ug mga higala. Sa iyang Instagram post, gipadayag ni MrBeast nga mao kini ang labing malipayong adlaw sa iyang kinabuhi.
Nahitabo ang ilang kasal human usab makab-ot ni MrBeast ang laing dakong kalampusan isip unang content creator nga nakaabot sa 500 milyon ka subscribers sa YouTube.
Photo Courtesy: Marca
