Niubos ang pwesto sa Basketball World Cup rangking Qualifiers sa Gilas Pilipinas, human sa ikatulong window niadtong nakalabayng adlaw. Sumala sa FIBA Men Ranking, ang Gilas Pilipinas naa na karon sa ika-39 nga pwesto. Nahulog sila og tulo ka pwesto gikan sa ilang miaging ika-36 nga pwesto.
Ang maong rankings gipagawas human sa doble nga overtime nga kapildihan sa Gilas batok sa New Zealand 106-102 ug Australia 92-49 sa miaging mga semana. Kahibaloan nga ang Gilas Pilipinas naa sa ikapitong pwesto sa Asian zone diin gipangulohan kini sa Australia.
Dili lang ang Gilas Pilipinas ang nakasinati og pag-ubos sa posisyon tungod kay ang Australia, nga naa sa ikapitong pwesto sa kalibutan, naa na karon sa ikawalong pwesto samtang ang Kuwait, nga naa sa ika-109 nga pwesto, naa sa ika-118 nga pwesto ug ang South Africa, nga naa sa ika-110 nga pwesto, naa sa ika-119 nga pwesto.
Gilauman nga mausab ang ranking sa Gilas Pilipinas sa ilang pag-atubang sa Jordan sa Agosto 28 ug Iran sa Agosto 30.
Photo courtesy: Ballers.ph
