Nalunod ang usa ka ferry nga nagdala og 116 ka pasahero ug 17 ka crew sa baybayon sa Guyana, South Amercia. Sumala sa mga lokal nga opisyal, 67 ka tawo na ang naluwas, lakip ang 15 ka mga bata, 41 ka lalaki ug 11 ka babaye. Apil usab sa mga naluwas ang kapitan sa barko.
Ang maong barko mibiya gikan sa Georgetown niadtong Sabado ug padulong unta sa Port Kaituma dihang nalunod kini duol sa Iron Punt. Nakadawat og distress call ang mga awtoridad alas 11:01 sa gabii, hinungdan nga gilunsad dayon ang search and rescue operation pinaagi sa mga sakayan sa gobyerno ug pribadong sektor.
Matud ni Public Works Minister sa maong nasud, naglaum sila nga makit-an ug ma-account ang tanang sakay sa ferry. Sumala sa mga opisyal, walay isyu sa kapasidad ug timbang ang ferry sa dihang nahitabo ang insidente ug lisensiyado kini nga mosakay og labaw sa 300 ka pasahero.
Nagpadayon ang search and rescue operation alang sa daghang tawo nga wala pa makit-i sa maong aksidente.
Photo Courtesy: Prime Minister Mark Phillips
