Luwas nga nakapauli sa Pilipinas ang 15 ka Filipino seafarers nga sakay sa Qatari tanker Al Rekayyat, nga naigo sa usa ka projectile samtang naglawig sa Strait of Hormuz niadtong Hulyo 6.2026.
Sumala sa Department of Foreign Affairs (DFA), luwas ang tanang tripulante ug wala’y naangol ug nahatagan usab sila dayon og tabang sa Philippine Embassy ug Migrant Workers Office sa Muscat. Lakip sa gihatag nga ayuda ang pagkaon, medical check-up, ug komunikasyon aron makakontak sila sa ilang mga pamilya sa Pilipinas.
Matud pa sa Philippine Labor Attaché sa Muscat, prayoridad sa gobyerno ang kaluwasan ug kaayohan sa mga Pilipino seafarers, ug nagpadayon ilang pakikoordinar sa ship’s management aron masiguro ang ilang proteksyon ug hapsay nga pagpauli.
Samtang, nagpadayon usab ang Philippine Embassy sa pagmonitor sa kahimtang sa seguridad sa rehiyon aron mapanalipdan ang ubang OFW.
Una nang giakusahan sa Qatari Government ang Iran nga responsabe sa pag-atake sa Al Rekayyat tanker nga nasunog samtang naglawig duol sa Strait of Hormuz.
Photo Courtesy:Philippine News Agency
