Nakaangkon ug grabeng paso sa lawas ang usa ka 40-anyos nga vendor human mibuto ang improvised nga kalan mga alas 2:05 sa hapon, Hulyo 14 sa Purok Pitogo, Barangay Poblacion, Pitogo, Zamboanga del Sur.
Base sa inisyal nga imbestigasyon sa Pitogo Municipal Police Station, nag-refill ang biktima sa kalan gamit ang sagol nga gasolina ug kerosene ug nag-andam og pagkaon para ibaligya, apan kalit kining mibuto. Ang biktima nakaangkon og first-degree burns ug gidala dayon sa ospital aron matambalan.
Sa laing bahin, paspas usab nga miresponde ang Bureau of Fire Protection ug napalong ang kalayo pinaagi sa fire extinguisher nga nakapugong sa mas dako nga kadaot. Wala ra sab laing natala nga naangol o namatay sa maong insidente.
Photo Courtesy: ZSPPO
