Narekober sa mga otoridad ang 11 ka ball mill, duha ka diesel engine, ug usa ka tapok sa gidudahang mineral ore atol sa operasyon batok sa ilegal nga pagmina sa Barangay Dalapan, Guipos, Zamboanga del Sur, pasado12 sa udto adlaw’ng Martes, Hulyo 14, 2026.
Ang operasyon gihimo dungan sa pag-isyu sa Ceast and desist order sa MGB- DENR Regional Office IX nga gipatuman pinaagi sa composite team gikan sa MGB-DENR 9, CENRO Guipos, 53rd Infantry Battalion, Guipos MPS, ZSPIU ug 2nd ZSPMFC.
Sa gilusad nga inspection sa mga otoridad, namatikdan ang mga timailhan sa gidudahang mga mineral nga gimina sa maong lugar diin wala ray tawo nga posibleng mga responsable nga naatlan sa operasyon.
Ang tanang narekober nga mga kagamitan ug materyales temporaryong gitugyan sa kustodiya sa 53rd Infantry Battalion alang sa hustong pagdumala, samtang gi-evaluate pa sa MGB-IX ang kantidad sa mga nakumpiskang kagamitan.
Photo Courtesy: ZSPPO
