Angol ang usa ka 42 anyos nga construction worker human gidunggab sa iyang igsoon atol sa ilang panaglalis nga nahitabo sa may B.F. Arao Avenue, Barangay San Jose, Pagadian City, kagabie, Hulyo 14, 2026.
Base sa imbestigasyon sa kapulisan, daan nang dunay panaglalis ang duha ug atol sa ilang pagpanihapon nagkalalis subli ang duha ug giingong gihagit sa suspetsado ang biktima ug sumbagay.
Apan ang maong panaglalis miresulta sa pagdunggab sa suspetsado ngadto sa biktima gamit ang hait nga hinagiban igo sa liog ug tiyan.
Human sa hitabo, ang suspetsado pa ang nidala sa biktima sa tambalanan apan misibat kini dayon ug hangtod karon gipangita pa sa mga otoridad.
Naglusad pa ug manhunt operation ang kapulisan aron madakpan ang suspetsado ug mapapanubag sa salaod nga nahimo, samtang nagpadayon pa sa pagpatambal ang biktima sa balay tambalanan.
Photo Courtesy: ZSPPO
