Nag-atubang karon og kasong frustrated homicide ang usa ka 16-anyos nga menor de edad nga lalaki human niini gidunggab ang iyang 21-anyos nga amigo didto sa Purok 9, Barangay Managok, Malaybalay City, Bukidnon, pasado alas 11:00 sa gabii niadtong Hulyo 11, 2026
Ang biktima nga nailhang si Arche R. Alobog daling gidala sa ospital human makaangkon og samad sa lawas, ug anaa na kini karon sa luwas nga kahimtang sulod sa Bukidnon Provincial Medical Center.
Base sa imbestigasyon sa kapolisan, nag-uban pa sa usa ka tindahan ug videokehan ang suspek ug ang biktima sa wala pa ang krimen diin nangayo og sigarilyo ang menor de edad apan mibalibad si Alobog. Sa dihang padulong na unta mogawas ang biktima gikan sa bilyaran uban sa iyang mga kauban, kalit lang kaniyang gidunggab sa suspek ug gigukod pa bisan pa man sa pagsulay niini og ikyas.
Dali nga miresponde ang mga barangay tanod sa maong dapit hinungdan nga natabang ang biktima ug daling nadakpan ang suspek. Ang menor de edad gitugyan na ngadto sa Malaybalay City Police Station ug kasamtangang gi-kustodiya sa Women and Children Protection Desk (WCPD) samtang giandam ang dugang legal nga proseso batok kaniya
Photo Courtesy: Malaybalay City MPS
