Dili momenos sa 27 ka tawo ang namatay samtang 63 ang nangaangol human miulbo ang kalayo sa usa ka pub didto sa Chatuchak District, Bangkok, Thailand sa Hulyo 13, 2026.
Padayon pa nga giimbestigahan sa mga awtoridad ang hinungdan sa sunog ug ang posibleng mga kalapasan sa mga lagda sa fire safety sa maong establisyemento.
Base sa inisyal nga imbestigasyon ug sa mga pamahayag sa mga naluwas, paspas kaayo nga nikaylap ang kalayo ug baga nga aso human nagsugod ang sunog.
Tungod niini, nagdungan og dagan ang mga tawo aron mosulay sa paggawas, diin kadaghanan kanila nipaingon sa luyong bahin sa establisyemento duol sa mga kasilyas.
Apan gibutyag sa mga opisyal nga wala’y fire exit ang maong pub, hinungdan nga na-trap ug wala na makagawas ang daghang mga biktima
Photo Courtesy:WJTV
