Napalgan nga wala na’y kinabuhi ang usa ka 69-anyos nga lalaki ubay sa tampi sa suba sa Purok 4, Barangay Mahayag, Quezon, Bukidnon niadtong Hulyo 9, 2026, sa may alas 2:30 sa hapon. Base sa report sa Bukidnon PPO, usa ka lungsoranon nga nangisda sa maong suba ang nakadiskubre sa biktima ug dali kining nagpahibalo sa Quezon Municipal Police Station (MPS).
Sa inisyal nga imbestigasyon, nailhan ang biktima nga residente sa Purok 1-A, Barangay Kipaypayon sa maong lungsod. Nasayran nga una na kining gikatahong nawala human gianod sa kusog nga baha ang iyang payag sa Purok 3 dihang gihapak sa usa ka tornado o alimpulos sa wala pa ang pagkaplag kaniya.
Dali nga miresponde ang Quezon MPS aron susihon ang dapit ug gidala ang patayng lawas ngadto sa Quezon Health Infirmary Hospital alang sa post-mortem examination.
Sa pagkakaron, gihusay na sa mga otoridad ang insidente alang sa saktong disposisyon sa biktima ngadto sa iyang nagsubong pamilya
Photo Courtesy: Quezon MPS
