Nag-atubang karon og kasong kriminal ang usa ka 20-anyos nga lalaki sa Uttar Pradesh, India, nga giilang si Suraj Bhaskar, human kini giakusahan nga gituyo pagputol ang iyang kaugalingong tiil aron lang makakuha og Persons with Disability (PWD) status.
Sumala sa imbestigasyon sa kapulisan, gihimo sa suspek ang maong lakang aron makapahimulos sa admission quota alang sa mga PWD sa medical school, human kini kaduha na napakyas sa pagpasar sa gihisgutang entrance examination sa maong tunghaan.
Gibutyag sa mga awtoridad nga unang miistorya ang pamilya sa biktima nga giingong gidunggab ug giatake kini, apan nagduda ang mga pulis human masuta sa pagsusi nga dili motugma ang mga samad sa maong asoy.
Imbes nga makuha ang gipangandoy nga disability certificate alang sa iyang pag-eskwela, nabilanggo ug gipasakaan na hinuon og kaso si Bhaskar samtang padayon pang gisusi sa mga awtoridad kon kinsa ang mitabang kaniya sa pagputol sa iyang tiil
Photo Courtesy: x.com
