Patay ang usa ka lalaki human gidunggab sa suspetsado sa Fishport Magapo, Barangay Central, Mati City, pasado alas 8:50 sa gabii kagahapong adlawa Hulyo 6, 2026.
Ang biktima giila nga si Ryan Suarez, 24 anyos, ulitawo ug lumolupyo sa Barangay Kalumpang, General Santos City, samtang angol usab ang lain pang usa ka padre de pamilya nga giilang si Nelson Demo kinsa gidungab sa likoran nga bahin. Giila usab ang suspek nga si alyas “Bon” 19 anyos, ulitawo ug residente sa Purok 9, Sumile, Butuan City.
Sumala sa inisyal nga imbestigasyon, boluntaryong mitahan sa Mati City Police Station ang suspek ug miangkon nga siya ang midungab sa biktima.
Sa pagkakaron, anaa na sa kustodiya sa kapulisan ang suspetsado samtang giandam na usab ang angayng kaso nga ipasaka batok kaniya.
