Viral sa social media ang talagsaong “hair croissant” o Pan nga gihimo sa usa ka panaderya sa Pattaya, Thailand. Ang maong pastry nga gitawag og “Mor Aoi Croissant” gikan sa Sai Waan Bake House adunay murag buhok nga topping.
Bisan wala gibutyag ang eksaktong resipe, gituohang kini gihimo gikan sa pinino nga ginunting nga dark seaweed aron makahatag og parat nga timpla sa tam-is nga croissant.
Nagkantidad kini og 65 hangtod 70 Thai baht o P100 ug daghan na ang miadto aron motilaw ug magkuha og litrato niini.
Bisan nagkalain-laing reaksyon sa netizens, gipasalig sa panadero nga lami ug luwas kan-on ang maong pastry.
Photo Courtesy: Dexerto
