Dakpan ang usa ka lalaki human gituohang hinungdan sa sunog nga nagsugod sa aksidenteng paggamit og angle grinder duol sa daplin sa dalan.
Gideklarar sa mga otoridad sa Catalonia, Spain nga stable na ang sitwasyon sa dakong sunog nga miigo sa rehiyon sa Costa Brava, human gilamoy ang kapin sa 2,300 ka ektarya nga kalasangan.
Tungod niini, gikuha na ang “stay-at-home order” nga una gipatuman alang sa mga residente sa napulo ka mga munisipalidad.
Sumala sa Catalan Fire Service, napugngan na ang dugang pagkatap sa kalayo bisan pa sa kusog nga hangin nga nakapakomplikar sa ilang operasyon sa unang mga adlaw.
Bisan adunay pipila ka tourist destinations nga naapektuhan, wala nay direktang hulga sa mga komunidad ug nabalik na usab ang normal nga kalihokan sa maong lugar.
Ang maong insidente nagsilbing pahimangno sa kamahinungdanon sa pag-amping sa paggamit sa mga kagamitan nga resulta sa kalayo, ilabina sa panahon sa init ug uga nga klima nga dali makapadako sa wildfire.
Photo Courtesy: Travel and Tour World
