Boluntaryong nitalikod sa armadong pakigbisog ug nagsumiter sa ilang kaugalingon ang tulo ka miyembro sa Communist Terrorist Group (CTG) ngadto sa mga awtoridad sa Sitio Colon, Barangay Halapitan, San Fernando, Bukidnon niadtong Oktubre 22, 2026. Gipahigayon ang maong pagtahan sa misurender sa 1003rd Maneuver Company (MC), Regional Mobile Force Battalion 10 (RMFB 10), pinaagi sa pakigtambayayong sa Bukidnon Police Provincial Office (BukPPO), Regional Intelligence Unit 10 (RIU 10), ug PNP Intelligence Group.
Giila ang mga nitahan nga sila alyas “Maghong” (20, Supply Officer sa Squad Uno, Platoon 4), alyas “Romnick” (23, Political Guide sa Squad Dos, Platoon Dos), ug alyas “Jocip” (51, Supply Officer sa Squad Dos, Platoon Dos) nga pulos lumulupyo sa Bukidnon ug sakop sa Guerrilla Front Malayag sa ilawom sa North Central Mindanao Regional Committee (NCMRC). Dungan sa ilang pagtahan, gipangtugyan usab nila sa gobyerno ang unom ka bala sa 40mm grenade ammunition, usa ka hand grenade, usa ka M-76 rifle grenade, ug usa ka kalibre .38 revolver nga walay serial number.
Sa kasamtangan, ang tulo ka kanhi rebeldi ug ang ilang gitugyan nga mga armas ug eksplosibo anaa na sa custody sa 1003rd MC, RMFB 10 alang sa custodial debriefing, profiling, ug saktong disposisyon sa mga kagamitan. Sumala sa kapolisan, ang maong kalampusan nagpakita sa kaepektibo sa Focused Agenda sa Chief PNP aron palig-onon ang siguridad ug awagon ang ubang sakop sa mga armadong grupo nga mubiya na sa gubot nga dalan ug mobalik sa pagpuyo sa gawasnon ug malinawong katilingban
Photo courtesy: 1003rd MC-RMFB 10
