Nadiskobrehan nga wala na’y kinabuhi ug nagkadunot na ang lawas sa usa ka 81-anyos nga amahan sulod sa ilang karaang balay sa Purok 4, Merangeran, Quezon, Bukidnon, mga alas 9:00 sa buntag niadtong Oktubre 26, 2026.
Sumala sa report sa Quezon Municipal Police Station, nabalaka ang anak sa tigulang sa dihang wala kini mopakita sa lungsod niadtong Domingo—usa ka naandan nga routine sa iyang amahan aron mopalit og pagkaon ug panginahanglanon. Tungod niini, giadto sa anak ang balay sa iyang amahan nga nahimutang sa tumoy sa bukid ug hilit sa mga silingan, diin didto niya nakita ang walay kinabuhing lawas niini diha sa kusina.
Nasayran nga nagpuyo nga nag-inusara ang maong tigulang bisan pa sa paningkamot sa iyang mga anak dad-on siya sa ilang balay aron maatiman.
Gikumpirma sa attending physician nga natural causes ang gikamatyan sa tigulang, samtang padayon gihapon ang imbestigasyon sa kapulisan sa nahitabo kansang pahinumdom sa kaimportante sa kanunay nga pagbisita ug pag-atiman sa mga katigulangan nga nag-inusara sa hilit nga mga lugar.
Photo courtesy: Quezon Municipal Police Station
