Nakasulat sa kasaysayan ang 15-anyos nga Filipinang weightlifter nga si Alexsandra Ann Diaz human makabungkag og duha ka youth world records ug makadaog og tulo ka bulawang medalya sa 2026 IWF World Youth Weightlifting Championships sa Cali, Colombia.
Si Diaz, nga pag-umangkon sa Olympic gold medalist nga si Hidilyn Diaz-Naranjo, midaog sa girls’ 48-kilogram category. Nabungkag niya ang youth world record sa clean and jerk pinaagi sa 98 ka kilogramong lift, ug nagtala usab og bag-ong youth world record sa total lift nga 175 ka kilo.
Dugang kalipay alang sa Team Philippines ang pagkadaog ni Jay-R Colonia og silver medal sa men’s 56-kilogram category, samtang nakasungkit og bronze medal si Althea Bacaro sa women’s 44-kilogram division.
Photo Courtesy: Manila Bulletin
