Gihingusgan ang seguridad ang National Capital Region Police Office (NCRPO) sa gawas sa Senado sa Pasay City alang sa pagsugod sa impeachment trial ni Vice President Sara Duterte karong Lunes.
Kapin sa 6,000 nga mga pulis ang gipakatap, lakip ang 3,250 ka Civil Disturbance Management personnel ug 2,900 ka Reactionary Standby Support Force aron masiguro ang kalinaw ug kahapsay sa palibot sa Senado.
Matod ni NCRPO spokesperson Major Hazel Asilo, ang ilang mga personnel magbantay sa mga entrada ug exit, mga nangunang dalan, ug sa perimeter sa Senado aron malikayan ang kagubot, ug hulga sa seguridad,
Gipasiugda usab sa NCRPO nga ilang respetohon ang katungod sa publiko sa malinawon nga pagpundok ug pagpahayag sa opinyon, apan gihangyo usab ang mga rallyista ug motorista nga mosunod sa balaod ug mga lakang sa seguridad aron malikayan ang insidente ug tensiyon.
Nangandam na usab ang kapulisan aron dili na mausab ang nangaging insidente diin ang sakyanan sa usa ka senador gilabayan og nagkadaiyang mga butang.
Photo Courtesy: PNA
