Nagpadayon ang hagit sa food security sa Pilipinas human gibutyag sa 2025 survey sa DOST-Food and Nutrition Research Institute nga 32.6% sa mga Pilipino ang nakasinati gihapon og kakuwang sa pagkaon.
Bisan og adunay gamay nga pagkunhod gikan sa 33% nga naitala niadtong 2023, nagpabilin nga kabalaka ang kahimtang ilabina kay adunay 2.9% sa populasyon nga nakasinati og grabeng kakulang sa pagkaon ug adunay mga higayon nga wala makakaon sulod sa usa ka adlaw o labaw pa.
Matod ni DOST Secretary Renato Solidum Jr., kinahanglan nga palig-onon pa ang mga oportunidad sa panginabuhian aron maminusan ang food insecurity ug kapobrehon sa nasud.
Samtang, nagpadayon usab ang mga programa sa gobyerno ug mga ahensya nga nagtinguha sa pagtabang sa mga pamilyang labing apektado sa kakulang sa pagkaon.
Photo Courtesy: Asia News Network
