Nagpagawas og pasidaan ang UNICEF nga kapin sa 1.1 ka bilyong bata sa tibuok kalibotan ang nameligro tungod sa dungan nga pag-igo sa labing menos tulo ka mga climate hazard sama sa hulaw, pagbaha, ug grabeng kainit. Sa gihimong pagsusi sa ahensya ngadto sa 2.4 ka bilyong kabataan, nasayran nga hapit tanang bata sa kalibotan ang nakasinati og dili mo-minus sa usa ka risgo sa klima.
Gipakita sa taho nga ang Sub-Saharan Africa ug pipila ka bahin sa South Asia, sama sa nasod sa Chad diin 95% sa kabataan ang apektado, ang giilang mga “hot spot” o labing grabeng naigo tungod sa dungan nga kakuwang sa tubig ug pagkaon. Ang kombinasyon sa hulaw ug grabeng kainit nga molapas sa 35°C ang giingong labing sagad nga naghatag og risgo sa minilyong bata sa mga nasod sama sa Nigeria, Pakistan, ug India.
Gawas sa mga rehiyon, nameligro usab ang 39 ka mga island states tungod sa mga kusog nga bagyo ug kakuwang sa proteksyon sa kalamidad, samtang ang Myanmar nag-atubang og grabeng hulga diin liboan ka bata ang apektado sa pito o kapin pa nga mga hazard. Bisan pa nga adunay mga dapit sa Northern Hemisphere nga mas mubo ang exposure, gipahayag sa UNICEF nga walay nasod ang hingpit nga luwas sa epekto sa climate change.
Photo courtesy: UNICEF
