Gisaulog sa Original Pilipino Music (OPM) artists nga sila Ice Seguerra ug Sitti ang dakong kalampusan sa ilang mga kantang nahimong bahin sa kinabuhi sa daghang Pilipino sulod sa daghang katuigan.
Gipadayag ni Ice nga mahipatik na sa ika-25 ka tuig ang iyang sikat nga kanta nga “Pagdating ng Panahon,” nga iyang giila isip usa sa labing importante nga hinungdan sa iyang malampusong karera sa industriya sa musika.
Samtang si Sitti, nga nailhan isip Bossa Nova Queen, nagsaulog usab sa ika-20 ka tuig sa iyang hit song nga “Para sa Akin.” Matud pa niya, ang maong kanta nagsimbolo sa iyang pagtubo isip artista ug usa ka pagsaulog sa gugma, musika ug panaghigalaay.
Sa ilang pagpakigpulong, gipasiugda sa duha ka artists ang papel sa musika isip paagi sa pagpahayag sa pagbati ug mga kahimtang nga giatubang sa katilingban. Matud ni Ice, ang musika dili lamang alang sa kalingawan kondili usa usab ka kusgan nga tingog sa katawhan.
Photo Courtesy to: GMA Network
