Mapangandaman sa matag adlaw ang kaluwasan sa posibleng mga kalamidad nga muabot sa mga komunidad, kini ang usa sa importanteng mensahe nga gipaabot ni City Mayor Rolando Klarex Uy, atol sa gipahigayong 2026 2nd Quarter Nationwide Simultaneous Earthquake Drill-Full Scale Exercise kagahapong adlawa.
Sumala pa ni Mayor Uy nga dili matag-an o wala nagahatag og warning ang mga kalamidad apan ang kaandamon sa katawhan, sa bisan unsa katalagman dako nang kahigayunan aron nga maluwas.
Busa, giawhag niya ang tanang Kagay-anon nga seryosuhon ang bisan unsang klase sa mga drills sama sa earthquake drills isip disaster preparedness.
Gipasalig sab niya nga perming andam ang iyahang administrasyon sa pagserbisyo dili lang panahon sa kalinaw apan labi na sa panahon sa kalamidad aron nga maprotektahan ang katawhan sa syudad.
Kahibaluang ang gihimong earthquake drill kagahapong adlawa, gituki ug gipaubos usab sa evaluation alang sa padayon nga pagpahapsay ug mapalambo pa ang sistema ug koordinasyon sa matag buhatan sa gobyerno.
Photo courtesy: Cagayan de Oro City Information Office
