Ipatuman karong umaabot nga lunes, Hunyo 22 ang suspensyon sa operasyon sa Night Market, partikular na sa Osmeña-Justo Ramonal Street ning dakbayan sa Cagayan de Oro nga walay gitakdang petsa kung kanus-a ipabalik ang operasyon.
Matod pa ni Atty Egay Uy, Co Chairman sa Night Market Commission Committee nga ang suspensyon gipatuman sa lokal nga kagamhanan aron mahatagan og higayon ang mga vendors nga masabtan ug makaamgo sa ilang mga kakulangan sa pagsunod sa mga guidelines ug regulasyon sa night market.
Gipasabot niya nga ang lakang sa LGU dili silot kondili aron matul-id ang mga nakitang kalapasan ug mapalig-on ang pagsunod sa mga lagda.
Apan posible nga e balik ra dayon ang night market kung makita sa LGU nga ga tuman na sa mga lagda ang mga vendors.
Apan sa pagkakaron, magpabiling epektibo ang suspensyon hangtod adunay bag-ong pahibalo gikan sa City Hall.
Photo courtesy: Cogon Night Market/ Facebook
