Posibleng motambong si U.S. President Donald Trump sa pirmahan sa peace agreement tali sa Estados Unidos ug Iran. Matod ni Trump, wala niya isira ang posibilidad sa iyang pagtambong sa maong kalihokan nga pagahimoon sa Geneva, Switzerland.
Gipasiugda sa presidente nga ang memorandum of understanding usa ka mahinungdanong dokumento ug talagsaon nga kasabutan nga pirmahan sa usa ka pangulo.
Sigurado usab nga motambong sa maong kalihokan si U.S. Vice President JD Vance.
Una nang gipadayag sa tigpamaba sa Iranian Foreign Ministry nga si Esmaeil Baghaei nga gikonsiderar usab ang pagtambong sa mga lider sa Estados Unidos ug Iran sa pirmahan sa kasabutan nga gikatakdang himoon Biyernes.
Gilauman nga ang maong peace agreement makatabang sa pagpakunhod sa tensyon tali sa duha ka nasod ug makapalig-on sa paningkamot alang sa kalinaw sa rehiyon.
Photo Courtesy:Al Jazeera
